Joan Mari Irigoien, idazle iraupenlaria
Iñigo Landa
Bi mila orrialdetik gorako kontakizun batek adar eta bihurgune ugari izan behar ditu, halabeharrez, eta idazleak, adar horien artean mugitzeko trebetasunez jantzita egoteaz gain, barruko behar indartsu bat ere eduki behar du abentura horretan abiatzeko.
Ezaugarri eta baldintza horiek guztiak biltzen ditu Joan Mari Irigoienek. Bizpahiru urtetan Orbe familian murgildurik egon ondoren eta odisea bat bizi eta idatzi ondoren, azkenean, konklusiora heldu da “Nor bere bidean”, trilogiaren azkena argitaratuz.
Orbe da istorioa protagonizatzen duen familiaren abizena eta Orbe Munduari deitzeko beste modu bat ere bada, lurra eta zerua biltzen duena, existitzen den guztiaren multzoa. Joan Marik mundu bat eraiki du Orbe familiaren inguruan, psikologian, soziologian, erlijioan eta politikan buru-belarri arakatuz, bere barruko behar horrek eskatzen dizkion erantzunak bilatu nahian.
Estibaus irakurtzen dugunok gertutik ezagutzen dugu Joan Mari eta bere ibilbidea idazle gisa. Aurrekoetan egin den bezala, oraingoen ere hitzordua daukagu berarekin, datorren ostegunean, hilak 2, Tomasenen, orbetarrek hartutako bideen nondik norakoak azaltzen bere ahotik entzuteko eta egin duen berebiziko lanagatik gure txaloa jaso dezan.
2010, Azaroak 29
Zorionak, Juan Mari.
3. liburua eskutan dut, baina ezin izan nuen 2. bukatu.
Baina, hi segi aurrera. Aupa Altza eta altzatarrak. Ni LIZARRAGAtarra nauk.
Agur