Altza Kantuz
Antxoni Loro
Otsailaren 26an, eguerdian, ALTZA KANTUZ taldeko lagun batzuk berriro bildu ginen Daniren zuzendaritzapean, eta Robertoren gitarrak eta Txominen trikitixak lagunduta.
Beste batzuetan egiten dugun bezala, Altzan barrena ibiltzea zen gure asmoa, kalez kale, kantuan, baina hasi behar genuenean euria hasi zuen gogotik eta horregatik unean uneko erabakiak hartu behar izan genituen, babestokien bila.
Azkenean, helburua bete genuen, eta ALTZA KANTUZ-ekin orain arte landutako kantutegia gure auzokideekin partekatu ahal izan genuen.
Ohiturari jarraituz, bazkari eder bat egin genuen jardunaldia amaitzeko eta kalean abestu ez genituen kantak gustura dastatu genituen gure artean.
Baten bat animatzen bada eta parte hartu nahi badu, Casares Kultur Etxean biltzen gara, asteartero, arratsaldeko zazpi eta erditan. Ez da musika jakin behar, ongi pasatzeko gogoak eta kantua gustukoa izatea soilik.
2011, Martxoak 19
Oso ongi, Antxoni. Ea irakurleak parte hartzera animatzen diren.
Gora Euskal Kantak Altzan!!!
2011, Martxoak 21
Antxoni, ea hurrengorako bideo bat prestatzen duzuen webgune honetan jartzeko!