Altzaren armarria

2012, Otsailak 13

Herri bakoitzak bere ikurra dauka, eta Altzak ere, jakina, berea, herriko armarri eta zigiluetan agertzen dena: zuhaitz bat, haltza. Tokiko Bilduman katalogaturik dauzkagunak hartu ditugu eskuartean eta zuhaitza irudikatzeko erabilitako hainbat irudi izan da atentzioa deitu digun lehen gauza. Haltzaren profila konikotik urrun palmondo mota ezberdinen erabilera izan da bitxikeriarik nabarmenena, zigilu zaharrenetan batez ere. Aurrerago, XX. mendean sartuta, arbolari bere ohiko itxura biribildua eman zaio, estereotipotik hurbilago.

Zigilu altzatarretan agertzen diren testuei begiratuz gero, gure herriak historian zehar izan dituen egoera juridiko-administratibo ezberdinetaz jabetzeko aukera izango dugu: Auzo-alkatetza 1860. urtean, Altza Herriaren alkatetza 1900. urtean, eta 1910. urtean errege dekretu bati esker hiribildu titulua lortu zuenetik, “Villa de Alza” tituluarekin, goialdean koroa jantzita daramala. Donostiara anexionatu ondoren, Donostiako udalak erabat baztertu zuen Altzaren armarriaren erabilera, -salbuespen bitxi bat da Donostiako udaletxearen sarreran dagoen beirate bat da, 1945. urtekoa izan daitekeena, non Altzaren armarria erakusten den-, eta herriko elkarteek soilik erabiltzen dute, batzuk, gurea bezala, “Altza Herria” leloa gehituz. Etorkizun laburrean Altza Barrutia sortzeko bideari ekin zaio eta horrek itzuli diezaioke Altzaren ikurrari historikoki dagokion funtzio instituzionala.

Etiketak: ,

Iruzkina idatzi

Estibaus

Atalak

Otsaila 2025
A A A O O L I
« urt    
 12
3456789
10111213141516
17181920212223
2425262728  

RSS

Azken iruzkinak

  • Emma Berra
    (2025, Otsailak 6)
    «Holis,soy Emma Berra,de Santiago del Estero,hija de Juan Pablo Berra,mí abuelo Remigio Ventino y mí bisabuelo Juan Bautista Berra. Mí ...»
  • Natalia berra
    (2025, Urtarrilak 21)
    «Hola mi bisabuelo era berra de piomontes mi papa tiene el apellido de mi abuela que bello me encantaría saber ...»
  • Carmen Perez
    (2024, Abenduak 30)
    «Yo conocí a Eusebi como la llamábamos las niñas y niños de las escuelas públicas de Buenavista, allí trabajo de ...»
  • Carmen Perez
    (2024, Azaroak 29)
    «ZORIONAK POR LOS 50 AÑOS DE ASOCIACIONISMO »
  • Carmen Perez
    (2024, Azaroak 29)
    «ZORIONAK POR LOS 50 AÑOS »

etiketak


Sarean