Bilera barrutiaren inguruan
Pasa den ostegunean Tomasenen bildu ginen barrutiari buruz hitz egiteko. Eztabaida zabaltzea eta lan talde bat osatzea ziren bileraren asmo nagusiak eta bi helburuak bete ziren. Dosier bat prestatu genuen funtsezkoak iruditzen zaizkigun dokumentu sorta batekin eta gure proposamena idazteko planaren zirriborroa egin genuen.
Hau da datozen hilabeteetan lan taldearen lana orientatuko duen planaren eskema:
1. fasea, abendu bitartean:
- Elkartearen batzarra
- Lan taldearen osaketa
- Proposamenaren idazketa
- Proposamenaren aurkezpena
2. fasea, 2013ko ekainera arte, proposamena gizarteratzeko:
- Auzokideak
- Gizarte eragileak
- Alderdi politikoak
- Udal batzordea
Gustura geratu gara osteguneko bilerarekin. Hogeita lau lagun bildu ginen, beste batzuk ezin izan zutela etorri adierazi ziguten, eta bileran zehar elkarrizketa egon zen. Lan taldea ere osatu zen, zazpi lagunez osaturik.
Hemen gehitu dugu banatutako dosierra jaisteko lotura. Gogoratu nahi dizuegu dokumentu horiek guztiak osorik eta dosierrak agertzen ez diren beste batzuk Altzaneten irakur daitezkeela.
