Aurtengo +55 ibilaldiak
Honez gero abiatu da “+55 Altzatik abiatutako ibilbideak” egitaraua, gure herriko zenbait txoko eta inguruetako museo zein natur guneak ezagutzeko aukera paregabea.
Orain arte bi ibilaldi egin ditugu. Joan den apirilaren 23an izan zen lehenengoa eta Altzako landare inbaditzaileen mundua ezagutu ahal izan genuen. Bigarrena maiatzaren 14an izan da eta Altzagainatik Astigarragaraino joan ginen Urumea ibarrean barrena.
Aurten egiteko prestatu ditugun hurrengo ibilaldiak hauexek dira:
Maiatzak 28: UNTZI MUSEOA, “Bakailaoaren arrantza, ur handiak”.
Erakusketaren bisita gidatua. Ordubeteko iraupena, sarrera 2 €. 25 laguneko kopuru mugatua. Herreratik aterako gara eta paseoan Donostiako porturaino helduko gara.
9:00etan Herrerako plazan. 10:30ean Untzi Museoan.
Ekainak 11: GARAI BATEKO SAN MARKO ZABORTEGIKO BIRA.
Pasaia, Errenteria eta Astigarragarekin muga egiten duten inguruetan barrena.
9:30ean Casares Kultur Etxean.
Ekainak 25: ALTZAKO PARKEAK.- LAU HAIZETA ETA AMETZAGAINA.
Parke hauen natur zein historia interesguneak ezagutzeko ibilbidea.
9:30ean Larratxoko geltokitik.
Uztailak 9: ALBAOLA. ITSAS KULTUR FAKTORIA.
Ibilaldia Pasaian euskal itsas teknologia berreskuratzeko eta dagokion balioa emateko sortu den espazioa ezagutzeko.
Sarrera 5 €.
9:30ean Herrerako plazan.
Beste hiru ibilaldi ere aurreikusita dauzkagu irailaren 24an eta urriaren 8an eta 22an egiteko. Zehaztasunak garaiz jakinaraziko dizkizuegu.
