Tai gabe suntsitzen

2017, Ekainak 26

Miravalles armarria

Miravalles armarria

Iñigo Landa

Egun batetik bestera, ezkutuan, inolako azalpenik eman gabe, Miraballes baserria, Milles eraitsi dute. Altzako zaharrenen artean dago. Etxea 1465. urtean dokumentatuta dago eta XVI. eta XVII. mendeetan abizena eman zuen. Fatxada nagusian, armarri gisa jarria, zizelatutako ikur bat zeukan, duen formagatik, seguruenik, jatorrian ezagutu dugun eraikinaren aurretik zegoenaren ate nagusiko arkuaren giltzarria izango zen. Zergatik eraitsi dute modu honetan? Zer egin dute armarriarekin? Bertan lanean ari ziren langileei galdetuta, arkeologo batzuen esku utzi behar omen zuten, baina arkeologo horiek zeintzuk ziren ez zekiten. Galderak udalari luzatu dizkiogu, baina ohi dutenez, nagusikeriaz, erantzunik ez. Hitzetik hortzera aitatzen duten udal gardentasunaren arrastorik ez eta tai gabe suntsitzen jarraitzen dute.

Egun hauetan ere, Sarruetan, Lasunene baserria eraitsi dute. Urumea ibaiaren ondoan eraikia, lehen aipamena XVIII. mende hasierakoa da eta errota bat zeukan. Baserritik gertu bere karobia dago eta baserriaren patu bera izango duela dirudi. Karobi bikoitza da, pendiza aprobetxatuz eraikia. Kareharriz egina da eta harlanduak ditu izkinetan, behealdean eta bi ahoen arku inguruan. Karobi hau eta Harria parkean dagoena dira Altzan geratzen ziren bakarrak. Karobia ez dago babesturik. Egia esan, Martutene osoan Gartziategi baserria da nolabaiteko babesa daukan bakarra. Karobiak ez du inolako eraginik uholdeen arazoan eta dagoen lekuan utzi beharko lukete, suntsitu eta desagerrarazi gabe, antzinako jarduera ekonomiko tradizional baten eredu bakarrenetako izaten jarrai dezan.

.

Milles eraisten

Milles eraisten

Milles baserriaren orubea

Milles baserriaren orubea

Lasunene (Arg.: Josu Tellabide)

Lasunene (Arg.: Josu Tellabide)

Lasuneneko karobia

Lasuneneko karobia

Etiketak: ,

2 iruzkin

  1. Joan Mari irigoien

    Iñigo eta taldekoak:

    Begiak dakusana dakus,
    eta zuek eta guk ezin engainatu zeuen/geure burua…

    Eskerrik asko, zeuen lan xume bezain funtsezkoagatik:

    jmi

  2. Andoni Labaka Erauskin

    Zuen lanei esker zenbait gaien ezagutza hariek irauten dute; berezko izakera eta nortasun jantziez kaleratzen gaituzte.

Iruzkina idatzi

Estibaus

Atalak

Maiatza 2025
A A A O O L I
« api    
 1234
567891011
12131415161718
19202122232425
262728293031  

RSS

Azken iruzkinak

  • Iñaki
    (2025, Maiatzak 3)
    «Sorprendente documento e impresionante trabajo. Zorionak eta aurrera!!! »
  • Mariano Pérez de la Cruz
    (2025, Maiatzak 1)
    «En mi etapa en PEBSA de la Coruña, coincidí con Paco Lasa y he de afirmar que su pragmátismo y ...»
  • Ricardo Maritxalar
    (2025, Apirilak 27)
    «En el caserio Mirabarkera (para nosotros Miramarca) nació mi padre Ricardo Maritxalar Leiñena (1918-1973). Hijo de Jose Melchor Marichalar Larrañaga, ...»
  • Iñaki
    (2025, Otsailak 26)
    «¿Cuántas de las especialidades q se anunciaron en el año 85 se ofrecen hoy en ese ambulatorio? Algo tan elemental ...»
  • MARISA AMESTOY
    (2025, Otsailak 25)
    «Ezkerrikasko Antxon por tu inestimable trabajo en nuestro querido barrio, zure laguna Marisah, »

etiketak


Sarean