Jabiri omenaldia
Euskal Giroa Elkartea
Xenki Berro Mujika, Iurre eta Ziortza Mujika Merino
Joan den larunbatean, irailak 23, Jabi Mujika Arregi adiskide minari omenaldi hunkigarria eskaini genion Herrerako pilotalekuan. Pilota partidak, aurreskua, musika, adiskideon gertutasuna… Bertaratu ginenok nekez ahaztuko ditugun momentuak.
Biharamunean, igandean, hirurogei bat lagunek, adiskideak eta familiakoak tarteko, Berueterako bidea hartu genuen bertan Jabiren errautsak airean barreiatzeko, Begoña, Juanjo eta Jose Mari anai-arreben eta Santi Asumendiren errautsekin egin zen bezalaxe.
Ondoren, bazkaria Euskal Giroan, oroitzapenak, lagunaren hutsa, barreak, pasadizoak eta joan diren adiskideekin bizitutakoak tartekatuz eta nahasiz, eta begirada gure Elkartearen etorkizunean jarrita; une honetan jende gaztearen eskuetan dago eta haien aurretik aritutakoek gaitasunez eta bizitasunez egindako lanarekiko erantzukizuna erakusten ari dira egunez egun.
Irune Zapirain Navarlaz – Asier Oliden Sarriegi
