Joan den ostiralean, Altza Hautsa Kenduz liburuaren aurkezpenarekin batera 2010 urteko egutegia aurkeztu genuen.
Aurrekoetan bezalaxe, 2009 urtean zehar bildutako argazkien artean batzuk aukeratu ditugu eta horiekin osatu dugu urte berrirako egutegia.
“Altza, Hautsa Kenduz” liburu sortaren hamargarrena prest dago. Bi urtean behin argitaratzeari eutsi dio eta, betiko ildoan, mamitsu eta gogotsu dator, altzatarren nondik norakoa ezagutzearekin arduraturik dagoen ororentzat gustukoa izateko asmoz. Hirurehun orrialdetan zehar, historia, kazetaritza, arkitektura, literatura, elkarteen lana, argazkiak, eta abar, elkarrekin datoz altzatarren iraganaren eta orainaren ezagutza eta ezaupidearen zerbitzura, gure ondarearen zerbitzura.
Ale berri hau osatzen duten lanak hauek dira:
Aste honetan bertan gure inguruetan egitekoak diren hainbat ekitaldien berri ematera gatoz.
Joan den uztailean elkarte berri bat sortu zen Añorgan, “Gorga” Añorgako Historia Mintegia. Elkartearen helburua, haien hitzetan, hauxe da: “Auzoko izanaren eta historiaren aztarna eta adierazleak (agiriak eta argazkiak) biltzea”.
“Altza, Hautsa Kenduz” liburu sortaren hamargarren alea argitaratzeko urratsak eman ditugu. Aurreko zenbakiak bi urtean behin argitaratu ditugu eta, bide horretan, datorren abendurako nahi genuke jendaurrean aurkeztu.
Luis Mari Ralla Arruti (Bizarrain Kultur Elkartea)
Balio bezate lerro hauek altzatarrok sortu ditugun komunikabideen bidez gertaera batzuen berri jakin ahal izatea. Oraingo honetan Bizarrain Kultura eta Euskara Elkarteak antolatutako I. Bertsopaper Lehiaketaren berria emateko balio diguna. Berau, 18 urte edo gehiagoko helduei zuzendua izan da eta egia esan, sorpresa atsegin bezain aberatsa suertatu zaigu antolatzaileoi, kezkaz beterik luzatu baikenuen lehiaketaren ibilbidea. (gehiago…) »
Urteroko ohiturari jarraituz, San Martzial egunaren bezperan San Martzial parrokiko abesbatzak Altzako Aita Sierra Abesbatzarekin batera Hilarion Eslavaren Salbea abestu zuten San Martzial elizan. Hona hemen une berezi horren bideoa.
Euskadiko Justizi Epaitegi Gorenak eman duen epaia entzun ondoren, Altzako Historia Mintegiak 2005. urtean egin zuen deklarazioan esandakoa berretsi egiten du. Era berean, altzatarron eskubideak behingoz errespetatu ditzatela eskatzen die Pasaia eta Donostiako udalei, altzatarrena baita, hiritarrak eta komunitate gisa, bere ondareari buruzko erabakiak hartzeko eskubide osoa. (gehiago…) »
| A | A | A | O | O | L | I |
|---|---|---|---|---|---|---|
| « mar | ||||||
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Altzako Historia Mintegia
