«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Joan den uztailean elkarte berri bat sortu zen Añorgan, “Gorga” Añorgako Historia Mintegia. Elkartearen helburua, haien hitzetan, hauxe da: “Auzoko izanaren eta historiaren aztarna eta adierazleak (agiriak eta argazkiak) biltzea”.

  (gehiago…)  »  

“Altza, Hautsa Kenduz” liburu sortaren hamargarren alea argitaratzeko urratsak eman ditugu. Aurreko zenbakiak bi urtean behin argitaratu ditugu eta, bide horretan, datorren abendurako nahi genuke jendaurrean aurkeztu.

  (gehiago…)  »  

Luis Mari Ralla Arruti (Bizarrain Kultur Elkartea)

Balio bezate lerro hauek altzatarrok sortu ditugun komunikabideen bidez gertaera batzuen berri jakin ahal izatea. Oraingo honetan Bizarrain Kultura eta Euskara Elkarteak antolatutako I. Bertsopaper Lehiaketaren berria emateko balio diguna. Berau, 18 urte edo gehiagoko helduei zuzendua izan da eta egia esan, sorpresa atsegin bezain aberatsa suertatu zaigu antolatzaileoi, kezkaz beterik luzatu baikenuen lehiaketaren ibilbidea.   (gehiago…)  »  

Urteroko ohiturari jarraituz, San Martzial egunaren bezperan San Martzial parrokiko abesbatzak Altzako Aita Sierra Abesbatzarekin batera Hilarion Eslavaren Salbea abestu zuten San Martzial elizan. Hona hemen une berezi horren bideoa.

Euskadiko Justizi Epaitegi Gorenak eman duen epaia entzun ondoren, Altzako Historia Mintegiak 2005. urtean egin zuen deklarazioan esandakoa berretsi egiten du. Era berean, altzatarron eskubideak behingoz errespetatu ditzatela eskatzen die Pasaia eta Donostiako udalei, altzatarrena baita, hiritarrak eta komunitate gisa, bere ondareari buruzko erabakiak hartzeko eskubide osoa.   (gehiago…)  »  

Iñigo

Buenavista guretzat mundu zabalera irekitako ate bat da. Buenavistako kaietan klase eta leku guztietako ontziak amarratu dituzte, mundu osoko marinel xumeak eta pertsonaje nagusiak heldu dira, eta ontzien sotoetan espezie guztietako produktuak.

Gaur egun ere, Buenavistan aurkitzen dugu itsasoaren lilura. Erlojuaren kaian, Oleta eta Buenavistaren artean, amarratu dute 85 metroko eslora duen ontzi handi bat, jostailu itxura duena.   (gehiago…)  »  

Peio Ezkerra / Antxon Alfaro

Urtero bezala, Santa Ageda bezperan Altzako Santa Ageda koroa kalera atera eta baserriz baserri kantari ibili zen: Berratxo, Bodaxar, Alano, Irasuene, Txurdiñene, Gazteluene, Amueder, Pelegriñene, Illarregi, Etxeberri, Mirasun, Artzaka, Kastillun… Los Boscos auzoan bukatuz. Baserrietara eraman zuten alaitasunaren ordainean arrautzak, txorizoa, bakailaoa eta beste hainbat jaki jaso zituzten, ondoren Boskotarrak elkartean afalduz. Aipatutako baserrietan 25. urteurrenaren oroigarri bezala pergamino bat utzi zuten urte hauetan hartu izana eskertzeko.   (gehiago…)  »  

Iñigo

Gaur arratsaldean hegabera talde handi bat bildu da Auditzeko zelai zurietan. Ikuskizun eder hau hotzaldi handia egiten duenean gertatzen da gure inguruetan, hegazti hauek Frantziatik gure kostaldera etortzen dira eta hotzaldia amaitu bezain pronto zeuden lekuetara itzultzen dira.