Iñigo Landa
Bi mila orrialdetik gorako kontakizun batek adar eta bihurgune ugari izan behar ditu, halabeharrez, eta idazleak, adar horien artean mugitzeko trebetasunez jantzita egoteaz gain, barruko behar indartsu bat ere eduki behar du abentura horretan abiatzeko.
Ezaugarri eta baldintza horiek guztiak biltzen ditu Joan Mari Irigoienek. Bizpahiru urtetan Orbe familian murgildurik egon ondoren eta odisea bat bizi eta idatzi ondoren, azkenean, konklusiora heldu da “Nor bere bidean”, trilogiaren azkena argitaratuz. (gehiago…) »
Iruzkin 1 »
Jon Serrano
Ignacio Gaiztarro, “Chacho”, oso atsegina izan da gurekin eta ikusten ari garen argazki sorta handi hau uzteaz gain bertan agertzen direnak identifikatzeko lana ere hartu du.
(gehiago…) »
18 iruzkin »
Joxeramon Zapirain
Mikel Zabaltza hil zutela 25 urte betetzen diren honetan, gertakari haiek gogoratzea eta plazaratzea derrigorrezkoa zaigu. Euskal Herria goitik behera astindu zuen erailketa hark, gure herriaren eta bereziki altzatarron memoria kolektiboaren zati da. Memoria hori gordetzea eta belaunaldi berriei helaraztea beharrezko eta nahitaezko lana dugu. (gehiago…) »
Iruzkin 1 »
Iñigo Landa
1939ko azaroaren 15ean, “Año de la Victoria”, gobernadoreak ezarritako udal batzak Altza Donostiaren eskuetan jarri zuen. Geroztik, udalik gabeko herria izan da Altza. Azaroan, beraz, altzatarrek badugu ospakizunik merezi ez duen urtebetetze bat; gogoratzea, ordea, bai.
(gehiago…) »
4 iruzkin »
Atzo, hilak 28, eta giro ezin hobean, Altzako Tokiko Bildumaren web orriaren aurkezpena egin zen, www.altza.info- rena alegia.
Egindako ibilbidea luzea eta zaildua izan da, baina azkenean, pertsona askoren laguntzari eta lan ixil eta jarraituari esker, gauzatu da. Zazpi mila dokumentutik gora kontsulta daitezke web orrian, eta beste horrenbeste katalogatzeko eta webean zintzilikatzeko daude, argazki eta beste motetako dokumentuak. Halabaina, tresna eta eskarmentua badauzkagu, eta, atzo agerian geratu zen bezala, jendearen berotasuna eta laguntza ere bai. Horrek guztiak adorea ematen digu lanean jarraitzeko eta 2011 urterako, AHM-ren 25. urteurrenerako prestatzen ari garen egitasmo bereziari heltzeko.
Datorren topaketa abenduaren 10raren inguruan izango da. Orduan Altza.net berritua aurkeztuko dugu, datorren urterako egutegi berezia eta egitasmoa.
Azkenik, atzo aurkeztutako “Altzako euskarazko kronikak (1921-1936)” liburua dagoeneko Internetetik jaitsi daitekeela jakinarazi nahi dizuegu, helbide honetatik: https://www.altza.net/ahm/artiga_bilduma.htm.
4 iruzkin »
Argia, 1935-11-03 - 760. zbka.
Altza’n gertatu dana…
Banakak, baino aiek alakoak gure Euskalerrian gertatzen diranak!… Oraingoan Altza’ri etorri zaio bere txanda.
Orain dala iru urte ezkero alkarrekin omen zebiltzan Sarriegi’tar Joxe Mari, Irasuene baserrikoa ta Asteasuinzarra’tar Axun Matio Errota’ko alaba.
Azken aldi ontan Axun’ek ezetzkoa edo eman omen zion mutillari; ta mutillak etsi nai ez. (gehiago…) »
3 iruzkin »
Elena Arrieta Yarza
En la noche del 5 al 6 de Octubre de este glorioso -para Herrera- 2010 ha desaparecido la casa del Apeadero de RENFE. Con ese buen hacer cotidiano de quien vela por nuestro bienestar. RENFE o ADIF, ADIF o RENFE (sólo cambia el nombre, sin evolución, siempre “al servicio del usuario”) ha decidido por lo visto, derribar o dejar derribar una bonita casa que no molestaba a nadie y que en un barrio como Herrera podría haber tenido -si no la querían- un uso social, porque al fin y al cabo, RENFE somos nosotros ¿o no?
(gehiago…) »
Iruzkin 1 »
AHM
Donostia Kultura eta AHM-ren arteko akordioak gogoangarria egin du 2010 urte hau gure historia txikian: www.altza.info web orriaren bitartez Tokiko Bilduman gordetako dokumentu-funtsa edonorentzat eta Interneteko konexioa dagoen edonon kontsultagarri egongo da.
Oparoa izan da urteetan lagun askok eskainitako laguntza eta elkar lana, eta horregatik lorpen honek poz handia ematen du. Gaur egun informazio teknologiek daukaten ahalmenaz baliatuz, ametsa zena hezurmamitu da eta Altzako dokumentu bildumak orain arteko hedapen handiena lortzeko moduan dago. Hedapenarekin denok irabazten dugu: “Gure aburuz, kultura ez dator hedapenaren eraginez apaldutako energiatik, ezta banatzeagatik urritu egiten den emaritik ere; haren defentsa, eskuzabaltasunezko jardueraren emaitza izango da, bere baitan etikaren bi paradoxa sakonenak bilduz: gordetzen dena galdu egiten da soilik, ematen dena irabazten da soilik.” (Antonio Machado, 1937)
Teknologia hauek eskaintzen dituzten bitartekoek ez dute baztertu behar orain arte erabili ditugun ohiko komunikazio bideak, hala nola jendarteko harremanak eta papera. Horregatik, aurki gonbidapen bat banatuko da etxez etxe web orriaren aurkezpenera etortzeko; elkar ikusteko eta elkarrekin hitz egiteko aukera paregabea izango da.
Ekitaldi horretan ere “Altzako euskarazko kronikak (1921-1936)” liburua aurkeztuko da, Artiga Bildumaren zazpigarrena. Liburuxka honetan aipatutako urte tartean prentsan argitaratutako 164 kronikak bildu dira eta, kontsultagarriago izan dadin, hainbat aurkibideekin osatuta dago. AHM-k argitaratu du eta 10 eurotan egongo da salgai. AHM-ko bazkideentzat doan. Nahi duenak Altzanetetik ere doan jaitsi ahal izango du Pdf formatuan.
Iruzkinik ez »
AHM
Atzo arratsaldean AHM-ko hogeita bat bazkide bildu ginen 2011 urterako jarduera-egitasmoaren zirriborroa egiteko; egitasmo berezia, jakina, mintegiaren hogeita bosgarren urtearena baita.
Bileran jorratutako jarduerak datorren urtean zehar garatuko dira, baina azaro aldean ekitaldi berezia antolatuko da. Egitasmoa AHM-ren ohiko lanarekin lotutako jarduerekin osatuta dago gehien bat (argitalpenak, erakusketak, txangoak, dokumental bat…), eta bestelakoak ere izango dira, Altzatik kanpo eta barruan oihartzun zabalagoa edukitzeko asmoz pentsatuak (topaketak, musika…).
Horietako batzuk dagoeneko martxan daude. Abenduan, adibidez, 2011 urterako egitasmoarekin batera, elkartearen web orriaren (www.altza.net) irudi eta eduki berriak aurkeztuko ditugu, baita mahai gaineko egutegi bat, argazki zaharrekin osaturik, urtean zehar gure egitasmoa burutzen lagunduko diguna.
Azaroaren erdialdean berriro bilduko gara egitasmoa borobiltzeko eta hari-mutur guztiak lotzeko.
Iruzkinik ez »
AHM
ALTZAKO HISTORIA MINTEGIAk 25 urte egingo ditu datorren urtean. Bere sorreran, 1986. urte hartan, altzatar multzo batek elkartzeko beharra ikusi genuen asmo garbi batekin: frankismoaz baliatuz Donostiako zentralismoak ia desagerrarazitako Altzaren identitatea eta ondarea berreskuratzea.
Hogeita bosgarren urteurren hau dela eta, ekitaldi sorta bat prestatzen hasiak gara, 2011 urtean zehar burutzeko. Jarduera batzuen zirriborroa egin dugu eta zurekin konpartitu nahi genuke. Zirriborro hori elkarteko bazkide guztien artean jorratu nahi genuke eta egin nahi ditugun ekitaldi horien bideragarritasuna aztertu, baliabide materialen aldetik ikusita, baita giza baliabideen aldetik ere.
Honetaz hitz egiteko eta AHM-ko bazkide eta lagunen laguntza biltzeko asmoz bilera bat egingo dugu datorren irailaren 30ean, osteguna, arratsaldeko 7:00ean, CASARES Kultur Etxean. Honen bitartez, parte hartzera gonbidatzen zaitugu.
Iruzkinik ez »
