«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

HERRIPE Auzo Elkartea

Joan den 19an, ostiralean, Herrerako auzotarrok bilketa bat gehiago egin genuen Bulevarrean. 350 lagun inguru gure karpara hurbildu ziren eta gure protestaren oinarriaren hirigintza baldintzak, bideo eta argazkietan ikusteko aukera izan zuten. Topaketak San Tomas jai giroa izan zuen. Horrela, txistorra pintxoak dastatu ahal izan genituen Herrerako Otxoteak kantatutako bertso aldarrikatsuen fondoa geneukala. Ekitaldia auzoko neska-mutilek eskainitako dantzaldiarekin amaitu zen.

  (gehiago…)  »  

Antxon Alfaro

Urte osoa ikatza egiten eman ondoren, jai egun hauek heltzen direnean, menditik Altzara dator opariak banatzera.

Hurrengo egunetan Altzako haurrak eta helduak kalera aterako dira beraien kantuz ongietorria ematera.

Geuk ere ongietorria emateko 1991 urtean grabatutako Altzako abestalde baten irudiak berreskuratu ditugu.

OLENTZERO

Olentzero joan zaigu
mendira lanera
intenzioarekin
ikatz egitera.
Aditu duanean
negua heldu dela
lasterka etorri da
berria ematera.

Horra, horra, gure Olentzero
pipa hortzean duela
eserita dago
kapoiak ere baitu
arraultzatxuekin
bihar meriendatzeko
botila ardoakin.

Olentzero buru handia
entendimentuz gabia
bart arratsean
edan omen du
hamar arrobako zahagia!

Ai urde tripa handia,
tragatu baitu,
tragatu baitu,
ai urde tripa handia,
tragatu baitu zahagia.

Iñigo Landa

Iragarri bezala atzo arratsaldean AHM-k argitaratutako azken liburuaren aurkezpena egin zen, “Altza XIX. mendeko kroniketan / Altza en la prensa del siglo XIX” liburuarena, alegia. Ekitaldira etorritako lagunek Tomaseneko aretoa bete egin zuten haien presentzia eta maitazarrez.

  (gehiago…)  »  

Datorren abenduaren 19an, ostirala, arratsaldeko 7:30ean Tomasenen, AHM-k liburu berri bat aurkeztuko du: “Altza en la prensa del siglo XIX / Altza XIX. mendeko kroniketan“, Artiga Bildumaren seigarrena.

Bere orrialdeetan XIX. mendearen azken laurdeneko 179 kronika zahar bildu dira, azken karlistadatik mende bukaera arte. Garai hau oso garrantzitsua izan da Altzaren historian, hamarkada horietan Altza udalerri bezala jaio eta lehen urratsak eman baitzituen, urbanizazio eta industrializazio prozesuetan erabat murgildurik.   (gehiago…)  »  

Iñigo Landa

Gure kultur elkarteak, Altzako beste elkarte batzuek bezala, Donostiako 2016 Kultur Hiribururako hautagaitza bultzatzeko bilera batean parte hartzeko gonbitea jaso du.

Horrekin batera, Odon Elorza alkateak txosten dotore bezain koloretsua bidali digu Victoria Eugenia eta Tabakalera inguruan bildutako soldatapeko inteligentziak egindako ekarpenekin. Haren eskutitzean, gure “ekarpen bikainak” eskertzen dizkigu, inolako ekarpenik egin ez badugu ere.

Europako Kultur Hiriburua izateak ekonomikoki ekar ditzakeen etekinak handia izan daitezke, dudarik ez, are gehiago ikuskizun eta turismo fabrika den Donostia bezalako hiri batean.

  (gehiago…)  »