2021eko egutegiak
Gaur goizean Altza 2021 egutegia banatu dugu Larrotxenen, osasun-mugek eta eguraldiak baldintzatutako egoera berezi baten erdian. Hala eta guztiz ere, Larrotxene kultur etxearen laguntzari esker, argazki-erakusketa atondu ahal izan dugu babesean, komentatutako bisitak egin eta egutegiak banatu. (Argazkiak hemen)
“Intxaurrondo: ibilbide bat iraganetik/Un recorrido por el pasado” erakusketaren parte dira 2021ean zehar gure ondoan edukiko ditugun bi argazkiak.
Handiak Intxaurrondo Zaharraren eta Mirakruz Gainaren bista erakusten du, Lizardi magaletik hartua, lehen planoan bi idi bikote eta baserritarrak lurra goldatuz erakutsiz. Partikularrengandik datozen beste argazki askorekin gertatzen den bezala, etxean album familiarretan edo kutxa soiletan gordeta daudenak, ohikoa izaten da horien egiletzari, datari eta abarri buruzko datuak ez ezagutzea, argazki honetan bezala. Gabezia horiek ere jendearen lankidetzari esker konpontzen dira, hemen ere gertatu den bezala. Argazkiaren egilea Ricardo Martín da eta Kutxatekaren funtsaren parte da (Identifikatzailea: 59924791; Funtsa: Fotocar; Estudioa: Photo Carte; Data: 1910-1939). Argazkilari handi horren beste argazki polit bat dugu hau.
Egutegi txikiaren argazkia, bestalde, beste irudi polit bat da, 1940 ingurukoa, Mari Carmen Gesalagak emana, Intxaurrondoko Huércanos y Pedraglio likore fabrikako lau langileei egina: Angelita Anabitarte, Rosali Aranzadi, María Agirre, eta Candida.
Larrotxeneko gaurko jarduerara etorri ezin eta egutegi bat nahi dutenek egutegia argitaratzen lagundu dutenen bidez eskura dezakete -Erdikoa taberna, Zubiaurre okindegia, Nido eta Zumardi tabernak, Lizarra kanpina, Artzak-Ortzeok Elkartea-, edo AHMrekin harremanetan jarriz 649496607 telefonoan edo ahm@altza.net posta elekronikoaren bidez.
2020, Abenduak 12
Ha sido una bonita exposición y el ambiente agradable a pesar de las restricciones del virus. Me gusta mucho la fotografía del calendario grande.
Gracias a todo el equipo por su esfuerzo.
2020, Abenduak 13
Ni ezin joan izan naiz erakusketara, baina bertatik pasatutako jendearekin izan naiz, eta asko gustatu zaio, oro har. Bestelakoan, Yolandari bezala, asko gustatu zait egutegi handiari dagokion argazkia.
jmi
2020, Abenduak 13
Muchas gracias por difundir la fotografía de Ricardo Martín y su procedencia de nuestro archivo fotográfico de Kutxa Fundazioa, Kutxateka. Un saludo cordial.