A25: Aurten ere indarkeria matxisten aurka
Bideoa
A25, Emakumeenganako Indarkeriaren aurkako Nazioarteko Eguna dela eta, Ekialde Barrutiko Jabekuntza Eskolaren baitan, Berdintasun Taldeak indarkeria matxistak salatzeko ekitaldi artistiko bat antolatu zuen joan den azaroaren 18an, Harria parkean, bigarren urtez jarraian.
Aurten Intxaurrondo Berri Elkarteak “Hitz egin dezagun indarkeriaz” hitzaldia antolatu zuen, hilaren 24an, Intxaurrondoko Kultur Etxean.
Dantzan emakume eta neska gazteek parte hartu zuten, Showtime Dantza Taldearen zuzendaritzapean. Era berean, dozenaka emakume bizilagunek hartu zuten parte, Vivir Quintanaren “Canción sin miedo” abestiaren euskarazko eta gaztelaniazko bertsioak abesten.
Altzako bi neska gaztek euskaraz eta gaztelaniaz irakurritako manifestu publiko batekin eman zitzaion hasiera ekintzari, eta “Justizia!” oihuekin amaitu zen, Euskal Herriko Mugimendu Feministaren protesta kolektiboekin bat eginez.
Ekialdeko Barrutiko Berdintasun Lantaldeko Elkarteak:
Altza-Elkartasuna Auzo Elkartea, Intxaurrondo Berri Emakumeen Elkartea, Oletako Auzo Elkartea, Ostadar Emakumeen Elkartea, Plazandreok, Showtime Kultur Elkartea
-
- Bideoa
