Ametzagainako hegoaldeko hegala XX. mendearen hasieran
Loiolako kultur etxeak joan den apirilean Garberan aurkeztu zuen argazki-erakusketan, ezagutzen ez genuen Ametzagaina mendiaren hegoaldeko hegalaren eta Urumeako erriberen ikuspegi orokorra ikusi ahal izan genuen. 1912a baino lehen hartutako argazkia izan behar du, urte horretan inauguratu baitziren Espartxoko zubia Urumea ibaiaren gainean eta Mesedeetako Amaren erietxea Uban, argazkian agertzen ez direnak.
Altzako eremura mugatzen bagara, argazki honek Uba ingurua eta gaur egun oraindik existitzen diren baserri batzuen irudiak ikus daitezke, Espartxo, Plasentzia, Lakiñene, Garrostegi eta Ubegi, eta jada desagertuta dauden beste batzuenak, Uba-goia eta Uba-bea Ubako komentuaren eta Ubako Andre Mariaren ermitaren ondoan, baita Anixene baserria ere. Azken horren irudia da, Urumea ibaiaren ertzean, baserri horren kanpoko itxura erakusten duen argazki bakarra.
