Centaurotik Gazte-Lekura: futbola (9)

2024, Maiatzak 22

l20691

Antxon Alfaro

Futbola Centauron eta Gazte-Lekun egin ziren ekintza garrantzitsuenetako bat izan ez bazen ere, beti izan zuen bere presentzia. Antonio Gutierrok gogoratzen zuen Centauroren hasieran hondartzako futboleko talderen bat atera zutela.

Garai hartan, talde federatuak zituzten inguruko klubak Sporting de Herrera eta Roteta K.E. ziren. Futbolean jokatu nahi zuten baina talde horietan parte hartu ezin zuten gazteak, koadrilen artean antolatzen ziren afizionatu mailako txapelketetan jokatzearekin konformatu behar zuten, edo auzoetako jaietan ezkongabeen eta ezkonduen arteko partidetan jokatzearekin.

l17905

Juan Antonio Ricok gogoratzen du lehenengo Centaurorekin eta gero Gazte-lekurekin afizionatuentzako Euskal Herriko futbol txapelketan parte hartu zutela. Jolasteko erabiltzen zituzten kamisetak horiak eta beltzak ziren. Entrenamenduak Kontxako hondartzan egiten zituzten. Partidak, berezko zelairik ez zutenez, Oiartzunen, Martutenen, Anoeta estadioan edo Bentetako militarren futbol zelaian jokatzen zituzten.

l20815

Garai horretan ere, 70eko hamarkadaren hasieran, Gabierrotako (Errenteria) torneoan parte hartu zuten bi urtez Gazte-Leku izenarekin.

l20690

Futbol zaletasunak koadrilen arteko lagunarteko partidak ere antolatzera eramaten zituen. Normalean Anoeta zelaian jokatzen zuten. Juan Antonio Ricok adierazten du futbol-zelaiaren eta bazkariaren kostua jokoan zeudela. Irabazten zutenek, zelaia alokatzea kostatzen zen 100 pezetak ordaintzen zituzten, eta galtzen zutenek, bazkaria.

l20814

1975ean, Gazte-Lekuren zuzendaritza berriak futbol talde bat sortzea proposatu zuen, azken urteetan elkartetik kanpo egon baitzen jarduera. La Palmera tabernak antolatutako txapelketan parte hartzea erabaki zuten, urte hartako uztaileko aldizkarian jasotzen denez, honako hauekin: David Campos, Manuel Roldan, Javier Rodríguez, Manuel Moreno, Felipe Gimón, Carlos García, Miguel Angel Bombín, José Mª Gimón, Pedro Cañamero eta Joaquín Ayensa [1].

Erreferentziak:

[1] Gazte-Leku elkartearen aldizkaria. II. urtea. 2. zenbakia (1975)

Etiketak:

Iruzkina idatzi

Estibaus

Atalak

Ekaina 2024
A A A O O L I
« mai    
 12
3456789
10111213141516
17181920212223
24252627282930

RSS

Azken iruzkinak

  • Félix Maraña
    (2024, Ekainak 5)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, Maiatzak 8)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»
  • José Irarrazaval
    (2024, Maiatzak 8)
    «Voy en camino desde Paris a conocer Deba, ciudad de origen de mi familia Irarrazaval y me da mucho gusto ...»
  • Maite
    (2024, Maiatzak 4)
    «Zein ondo ekarria! Tamalez gaurkotasun handia duena. Zenbat behar dugu konturatzeko zenbat postureo dagoen benetako boterea eta partaidetza ematearen ordez. »
  • Elena Arrieta Yarza
    (2024, Apirilak 30)
    «Al leer la entrañable poesía de Antonio Dávila García mis recuerdos me llevan al caserío Kataliñene. Su propietaria, ...»

etiketak


Sarean