Lehen boilur azoka Herreran
Euskal Giroa Elkartea
Herrerako festen programaren barruan DONOSTIAKO LEHEN BOILUR AZOKA ospatzera goaz. EUSKAL GIROA Elkarteak-Herrera K.E., Mozkor Frentekideok eta Altzako Gazte Asanbladaren laguntzarekin- ahalegin handiak egin ditu bai Euskal Herritik bai beste lekutatik zenbait ekoizle geure auzo honetara etor daitezen azoka berezi honetan parte hartzera. Geure asmoa, bilurra jendeari, ahal den publiko gehientsuenei zabaltzea eta ezagutaraztea da.
Azoka datorren igandean izango da, hilak 19, goizeko 10:30etik 14:00etara Herrerako San Luis Gonzaga plazan.
Hauek dira partaideak: Legado de Ruiz (Errioxa), Amalur (Donostia), Lasa Anaiak (Hernani), Gure Lurra (Gasteiz), Damasoro (Izaskun-Gipuzkoa), Museo de la Trufa (Metaute-Nafarroa), Ketalde (Altsasu-Nafarroa), La Despensa (Principe de Viana-Nafarroa), Infotruf (Teruel), Encitruf (Soria), Intru (Gasteiz), Tuber (Soria), Susperregi (Abarzuza), Casa Ubieta (Huesca), La Hermita Lomos de Orios (Errioxa), Oncala (Soria), eta Espora Gourmet (Soria).
Eta erakutsiko diren produktuak: landare mikorrizatuak, boilur eta onddo hautsa, gaztak, olioak, hestebeteak, txokolateak, pateak, ahatekiak eta delikatessen.
Lehen azoka hau arrakastatsua izatea nahi genuke produktore hauek ilusioz etor daitezen etorkizunean antola daitezkeen azoketara.
