«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

IZBE Intxaurrondo Zaharreko Bizilagunen Elkartea

“Intxaurrondo txuri beltzean” liburuan Intxaurrondoko 1980. urte arteko argazkien bilduma ikusgai dago. Bertan, gure auzoko txoko guztietako memoria jasotzen saiatu gara: eraikin zaharrak, familiak, festak, elkarte gastronomikoak, desagertutako eskoletako ikasle taldeak… Hau guztia egin ahal izateko auzokideen laguntza ezinbestekoa izan delarik, izan ere asko dira etxeko bazterrak miatu ondoren aurkitutako altxorrak helarazi dizkigutenak.

Aurkezpena irailak 15ean egingo da, 19:00etan, Intxaurrondo Kultur Etxean (Felix Gabilondo plaza 1).

Bizitzaren arlo guztietan bezala, kirolean badira izen ezagun eta ospetsu asko, baina, haiekin batera, beste kirol elkarte eta kirolari asko ere badira,  ezezagunak bezain ezinbestekoak, ibilbide laburrekoak sarritan, gogoratuak izatea merezi dutenak, kirol zaletasunaren adibide gorena baitira. Horietako bat da Intxaurrondoko Magain eskubaloi taldea eta Santi Blanco Latiegik tiraderatik berreskuratutako argazkietatik abiatuz kontatuko digu:

Lehenengo argazkia taldea sortu aurretik antolatutako partida batena da. 75 (edo 74) urteko uda amaierakoa da, Mª Auxiliadora ikastetxeko instalazio berriak zabaltzean. Talde bat antolatzearen ideia hori instalazioen irekierari estuki lotuta zegoen, ez dut ongi gogoratzen ia partida jendea taldean izena emateko egin zen edo taldea sortzearen ideia partidaren ondorioz izan zen. Nolanahi ere, Marcos izan zen taldearen osatzea bultzatu zuena instalazioen erabilpena erraztuz.

Uste dut hasiera batez gazteen maila atera genuela eta ondoren, batzuk laster 18 urte bete zutenean, senior maila osatu behar izan zen. Magain izena (senior), Marrutxipi, Gaztelu, Intxaurrondo izenetatik dator. Colma (gazte) “Colegio Mª Auxiliadora” izenetik. 

Hementxe dauzkazue bildu ditugun kirol argazki guztiak. Denera 1.779 argazki dira, kirol jarduerei eta haien inguruan dagoen guztiari buruzkoak: elkarteak, kirolariak, kirolguneak, ekitaldiak, jarraitzaileak… Honen segidan jarri ditugu kirolez kirol antolatuak. Klik egin kirol bakoitzaren gainean eta ikusi ahal izango dituzue. Argazki askoren fitxa informazioarekin osatzea falta da eta horrela adierazi dugu fitxan bertan (’Osatu gabeko fitxa’).

Horiek guztiak bildu ahal izateko ezinbestekoa izan da jende eta elkarte askoren laguntza. Denera 83 izan dira. Behean daukazue emaileen zerrenda. Mila esker guztioi, bihotz-bihotzez.

Emango dugun hurrengo urratsa argitalpenerako 100 argazkien aukeraketa egitea izango da. Lan honetan lagundu nahi duenak gustuko duen argazkiaren fitxan bertan dagoen iruzkinen eremuan adieraz dezake.

• futbola (696)
• txirrindularitza (254)
  
• mendizaletasuna (205)
• atletismoa (142)
• pilota (126)
• herri kirola (102)
  
• eskubaloia (73)
  
• bola-jokoa (55)
• halterofilia (28)
• motorra (26)
  
• tiroa (18)
  
• gimnasia erritmikoa (12)
• xakea (9)
• arraunketa (8)
• saskibaloia (7)
• errugbia (6)
• waterpolo (5)
• arrantza (2)
• mahai-tenisa (2)
• igeriketa (1)

  (gehiago…)  »  

Azaroan iragarri genizuen bezala, aurten kirolari eskainitako album altzatarra bat prestatzen ari gara argitara emateko. Irailaren amaierako materiala biltzearekin amaitu nahi dugu eta argitaratuko diren ehun bat argazkiko multzoa aukeratzen hasi nahi dugu. Orain arte 1.620 argazki bildu ditugu eta horietako 418 honez gero bere fitxa badaukate eta Tokiko Bildumaren web orrian kontsulta daitezke.   (gehiago…)  »  

Azken bolada honetan Album Altzatarra berri baten prestaketan ari gara lanean, oraingo honetan kirolari eskainia. Kirola gure garaiaren adierazpen nabarmenetakoa da, baita Altzan ere. Joan den mendean zehar Altzan, beste lekuetan bezala, kirol jarduera oso bizia izan da, eta horregatik merezi du monografikoki gure atentzioa eskaintzea.   (gehiago…)  »  

Pasa den ostiralean “Sarroeta-Martutene txuri-beltzez” liburuaren aurkezpena egin genuen giro ezin hobean. Hasieran, istripuz hildako Odei gaztearekin gogoratu eta bere familiari bildutakoen elkartasuna adierazi zitzaion. Ondoren, liburuaren prestaketan lan egin dutenen ordezkariek hitz egin zuten eta argazki-aurkezpen bat ikusi genuen. Argazkiek oroimena astindu zuten eta baita hitz egiteko parada ere eskaini zuten. Hizketaldian argazki zaharrak eta anekdotak biltzen jarraitzeko intentzioa azaldu zen, eta horretarako hitzordua jarri zen gaurko, eta jarraipena izango duela espero dugu.

Gure aldetik ere jarraitzeko asmoa dugu eta aurki itzuliko gara Sarruetan aurkitu dugun argazkilari baten inguruan hitz egiteko. Izan ere, Aingelu-goia baserrian Francisco Armendarizen argazkiekin egin dugu topo, eta bere lanak liluratu gaitu. Liburuan haren sei argazki erakutsi ditugu, Dolores Armendarizek utziak, seiak ederrak.

Poz-pozik gaude albumarekin eta honek izango duen jarraipenarekin.

Francisco Armendariz, 1960

Jon Serrano

Azken Hautsa Kenduz aurkeztu ondoren berehala jarri ginen lanean argazki berrien bila hurrengo zenbakiari begira. Gure bilaketa Sarrueta aldera bideratu genuen eta hasi bezain pronto topo egin genuen Sarroeta Auzo Elkartearekin eta beste hainbat lagun eta familiekin. Haien bitartez bildu genuen argazki multzoagatik eta kalitateagatik Album Altzatarra bildumaren zenbaki berri bat osatzeko materiala zegoela iruditu zitzaigun, eta baita argitaratzera animatu ere.

Album altzatarra berriaren aurkezpena urriaren 5ean izango da, Martuteneko Etxarriene Auzo Etxean, arratsaldeko 7:30ean. Liburua salgai jarriko da 12 euro truke eta interesatuek Sarroeta Auzo Elkartearen, Altzako Historia Mintegiaren edo Etxarrieneren bitartez eskura dezakete.

Album altzatarra 1953-1978 argazki-liburua aurkeztuko du Altzako Historia Mintegiak, ekainaren 30ean, osteguna, 7:30ean Euskal Giroa elkartean (Herrera).

AHMren 25.urteurrena ospatzeko asmoz argitaraturiko albuma, hainbat pertsonen eta elkarteen ekarpenen bidez hornitzen ari garen Altzako Tokiko Bildumako 99 argazkiez osaturik dago. 1953-1978 urte bitarteko irudi hauek, Altzaren hazkundearen eta eraldaketa fisiko zein sozialen oroimena dira, estiloen, erritmoen eta ohituren aldaketena. Argazkien bitartez, garai zail hartako komunitate altzatarra islatu nahi izan da, pertsonen eta elkarrekin bizitutakoen lekukotasuna nabarmenduz.

  (gehiago…)  »  

2ª edición del “Album altzatarra”

El libro de fotografías “Album altzatarra” que presentamos en diciembre pasado con motivo del 20º aniversario de Casares y de AHM se agotó en muy poco tiempo.

Al haberse quedado mucha gente interesada sin un ejemplar hemos realizado diversas gestiones para hacer posible una reedición del libro. Como la Casa de Cultura no cuenta con un presupuesto para poder sufragar la nueva edición, en AHM hemos decidido recurrir a la autofinanciación confiando en poder recuperar el gasto con la venta de la nueva tirada. La nueva edición estará preparada para diciembre.

Altza Hautsa Kenduz IX prest

Ohiturari jarraituz, bi urtean behin gutxi gorabehera, Altza Hautsa Kenduz berri bat edukitzen dugu prest altzatarren esku uzteko.

Bederatzigarrena bidean dago eta abenduko erdialdean aurkeztuko dugu. Aurreko zenbakien ildotik, ale honetan ere historiako gaiak izango dira nagusi, baina ez dira faltako besteetan bezala Altzako elkarteen bizitza jasoko duten orriak ezta altzatarrek idatzitako idazlanak ere. Jakina, Altzako auzo bati eskainitako aspaldiko argazkien bilduma bat ere egongo da.

Opariekin gertatzen bezala, zehazki zer ekarriko duen jakiteko irrika egongo da bat baino gehiago, baina azken momentura arte itxaron behako Hautsa Kenduz berri honentzako bildu ditugun edukiak zeintzuk diren jakiteko.