«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Joan Mari Irigoien idazle altzatarrak ‘Txantxanberde kantaria’ liburua atondu berri  du eta datorren maiatzaren 14n, arratsaldeko 7:30ean, Tomasenen egingo du aurkezpena.

Liburua berak editatua da eta altzatarrei eskainia. Horren kariaz Altzako zenbait eragilek, elkarte zein adiskide, liburuaren aurkezpenaz baliatu nahi dugu Joan Mariri gure aitortza eskaintzeko.

Juan Ramon Makuso arduratuko da “Txantxanberde kantaria”ren aurkezpena egiteaz eta, segidan, Koldo Izagirrek eta beste zenbait herrikidek hitza hartuko dute Joan Mariri, adiskide, herrikide eta euskal idazle gisa merezi dituen hitzak entzun ditzan. Imanol anaiak, bestalde, liburu honentzako prestatu dituen azal ezberdinak erakutsiko ditu ekitaldiaren aretoan.

Ekitaldi herrikoia izatea nahi dugu, xumea bezain beroa, eta, horregatik, gonbidatu nahi zaituztegu gurekin batera ekitaldian parte hartzera.

La historiadora Charo Roquero ha publicado recientemente un pequeño pero interesante libro sobre la Historia de la prostitución en Euskal Herria. En Altza conocemos bien a Charo Roquero por los trabajos que ha dedicado al estudio de nuestra historia, partiendo siempre de fuentes documentales directas, diseccionando su contenido y haciendo hablar a los protagonistas. Su último libro va en esa línea. Hacía falta una investigación que nos permitiera conocer con detalle las manifestaciones concretas del fenómeno de la prostitución en Euskal Herria, y más concretamente de las cuatro provincias de este lado de la frontera. A través de la documentación consultada por Charo en los archivos podemos acercarnos a las condiciones de necesidad, miseria y desesperación que en el transcurrir del tiempo histórico han determinado el destino de muchas mujeres que no han encontrado en su vida otra salida que dedicarse a la prostitución.   (gehiago…)  »  

Altza  XXI  Herri  Ekimenetik,  Gipuzkoako Foru  Aldundiaren  eta  Donostiako udalaren laguntzaz, bultzatzen ari garen “Altza guztion artean” prozesuan parte hartzera gonbidatu nahi zaitugu.

Prozesu honetan altzatarrok Altzako etorkizuna nolakoa izan behar duen aztertu, hausnartu eta lantzeko helburua dugu.

Honetarako  2013an  hasi  ginen  lanean, lehenik  gaur egungo  Altza  nola  garatu  den ulertzen ibili gara, eta honetarako Altzako institutuko ikasleak, Herri Ametsa ikastolako ikasleak eta Eraikuntza institutuko ikasleekin ibili gara lanean.   (gehiago…)  »  

Honez gero “Altza, Hautsa Kenduz” sortaren azken zenbakian argitaratuko artikulu guztiak Altzanet web orrian irakurri eta deskarga daitezke. Horrela, denon eskueran daude hamabi zenbakietan argitaratutako artikulu guztiak. Hautsa Kenduz liburu sortan bildutako historia eta istorioak, datuak, esperientziak… ezinbesteko erreferentzia bilakatu dira Altza ezagutu nahi duen edonorentzat. Hau ahal izan da egin pertsona askok egindako lanari esker, kolaborazioen egileak. Hona hemen segidan artikulu guztien zerrenda sinatzaileen arabera alfabetikoki ordenatuak. Gure eskerrik onena haientzat.

(Altza, Hautsa Kenduz Casares Kultur Etxean salgai dago 6 eurotan)   (gehiago…)  »  

Aurreko ostiralean, Aterpean eta Altza Hutsa Kenduz berriarekin batera, 2014. urteko egutegiak aurkeztu genituen. Oraingoan protagonista Francisco Armendariz da eta bere argazkiak, egutegi handiarena Garberan egina eta txikiarena Lau Haizetako bidean.

Honez gero, Estibausen bi alditan erakutsi dizkizuegu haren argazkiak, lehenengo batean Altzako inguruetan eginak eta beste batean bidaietan eta ibilaldietan egindakoak.

Guztietan argiaren erabileran eta konposaketa osatzeko erakusten duen sentsibilitatea nabarmentzen da. Hirugarren bat egitea geratzen zaigu, erretratuekin. Horiek guztiak mila argazki baino gehiago biltzen dituen albumetatik hartutako sorta txiki bat baino ez dira, bere alabak Mª Doloresek maitasunez gorde eta gurekin partekatu duena.

Azken Altza Hautsa Kenduz eta 2014. urterako egutegia aurkeztu ondoren, urte amaierara begira jarriko gara kontzertu bat antolatuz. Errenteriako Landarbaso Abesbatza entzuteko aukera izango dugu hilaren 14an, larunbata, San Martzial elizan, arratsaldeko 20:15ean. Iñaki Tolaretxipi zuzendaritzapean, eguberrian bete-betean girotutako programa eskainiko digute bertaratuko garen guztiei.

  (gehiago…)  »  

Horra hor Altza Hautsa Kenduz 12, mamiz beterik: Historia, elkarteen ibilbideak, esker onak, ekarpen pertsonalak… Oso gureak diren gaiekin osatu dugu ale hau, guk eginak, gure gauzetaz hitz eginez, gure gustuko gaiak. Denera hogeita bi artikulu dira; beherago daukazue zenbaki berri honen aurkibidea.

  (gehiago…)  »  

Imanol Irigoien

Aurtengo urriaren 3an, gure jaioterrian -Altzan-, Joan Mari anaiaren ia 40 urteko ibilbide literario luze-zabala dela-eta, ekitaldi literario bat izango da; ekitaldiaren argigarri eta osagarri gisa, berriz, haren liburuei egin zaizkien ilustratze-lanen erakusketa antolatu dugu, urte luzeetako fruitua ere badena eta antologikotzat jo dezakeguna.

Ez da, ez, ohikoa edozein idazleren libururik gehienen ilustrazioa irudigile baten esku soilik izatea… normalena bestela baita: irudiak hainbat eta hainbat ilustratzaileren artean sakabanatuta egotea; halaxe gertatzen da, ordea, Joan Mariren kasuan, ni neu izan bainaiz haren liburuen ilustrazioak egin ohi dituena, eta ni neu, ondorioz, margolan hauek guztiak gordetzen ditudana. Egoera honek izugarri erraztu dizkigu, jakina, erakusketaren antolatze lanak.   (gehiago…)  »  

Honez gero, Pako Laskonateguyren omenez ekainean ospatu zen kontzertuaren piezak igo ditugu Youtubera. Igotako hauekin Youtubeko AltzaKanala kanalean hogeita hemeretzi bideo daude ikusgarri.

Irudiaren gainean klik eginez, kontzertu hartan Aita Sierra abesbatzak eta Donostiako Udaleko Txistularien Bandak interpretatutako “Donostiako irrati iragarkiak” ikusi eta entzun dezakezue, “Churrería Celigüeta, El Búfalo eta Amuebladora Comercial Hispania” denden iragarkiak, Jagoba Astiazaranek egokituta.

Irailerako eta artikuluak biltzeko epea betetzeko gutxi falta dela eta, ohar honen bitartez animatu nahi zaituztegu zuen kolaborazioekin parte hartzera. Honez gero baditugu hamasei artikulu hitz hartuak, baina oraindik denbora egon badago ale berri hau parte hartzaileago eta aberatsago izan dadin. Eutsi horri! Zuen lanak ahm@altza.net helbidera bidali ditzakezue, edo aukeran gutako norbaitekin zuzenean harremanetan jar zaitezkete.