«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Ekainaren 5ean, orain dela berrogeita hamar urte, Gabriel Aresti hil zen. Hiru urte geroago, 1978. urtean, Gipuzkoako Aurrezki Kutxa Probintzialak “Agiriak. Euskal poetak eta artistak G. Aresti-ren omenez” liburua argitaratu zuen, . Lan kolektibo horren koordinatzailea Juan San Martin izan zen eta bera arduratu zen garai hartan poesiagintzan ari zirenekin harremanetan jarri eta parte hartzera gonbidatzeaz.

Garai hartako 52 poeta bildu zituen ekimenaren inguruan, eta horietako bi altzatarrak: Joan Mari Irigoien Aranberri (Altza, 1948-2023), “Altza edo herri baten heriotza” poemarekin, eta Gurutze Mujika Iturbe herreratarra (Altza, 1950), , “Itsubia“ ezizenez sinatzen zuena, “Sua erretzen” poemarekin.   (gehiago…)  »  

Ostegunean, ekainak 5, eta aurtengo Naturaldiaren egitarauaren barruan, Basografia izenburuko jarduera burutuko da Egoitz Arruti Uriaren eskutik. Saioa Tomasene kultur etxean izango da, 19:00ean, euskaraz.

Basografia, oro har, basoekin dugun harremanaren inguruko hausnarketa bat da. Besteak beste, naturaren kontenplazioak pertsonen artean izan dezakeen eraginaz hitz egingo da, eta, adibidez, baso bat begiratzeko modua erakutsiko da. Era berean, irudiak, zehazki, argazkilaritzak egun duen boterea aztertuko da, eta horri buruzko iritziak plazaratzeko saioa izango da. Finean, Basografia inguruan dugun zaratari ihes egin, eta naturarekin konektatzeko tresna gisa argazkilaritza erabiltzeko saiakeraz arituko da. Horretarako, hainbat urtetan zehar basoan jasotako erakutsiko dira, eta, baita ere, ezkutuko kamera bidez grabaturiko animalien irudiak ere.   (gehiago…)  »  

Malu Adurizen aurkezpenaren laburpena Marijuandegin, maiatzaren 3an, Martuteneko Jane ’s Walk ibilaldian. (Arg.: Asier Pagoaga)

Joseba Patxi Aduriz, Ruben Barron Aduriz, Malu Aduriz

Ba al zenekien Astarbe-enea etxearen oinarrian Marijuandegi baserria dagoela edo Marijuandegiren gainean eraiki zutela Astarbe-ene 1950 inguruan?   (gehiago…)  »  

Euskal Giroa Elkartea

Makro eta mikro esparruetan ikusten duguna ikusita, pixkanaka-pixkanaka inbaditzen ari zaizkigun sentsazio ia derrotista horietatik ateratzea, duela gutxi esaten zen bezala, ez da erraza, baina Herreran haize fresko pixka bat antzeman daiteke eta gustatu egiten zaigu. Bi aste hauetan ikusi dugu Kantujira bere urteroko bazkaria egiten Euskal Giroan,   (gehiago…)  »  

Maiatzaren 6an Altzako Historia Mintegiak ibilaldi historikoa egin zuen Ametzagaina inguruan Altzako Institutuko DBHko 1. mailako 80 ikasleen parte hartzearekin. Ikasleak bi taldetan banatu ziren, ibilaldia erosoagoa egiteko. Talde bakoitzean historiadore bat zegoen azalpenak egiteko, konkretuki Itziar Arbide eta Mikel Ubillos, biok Altzako Institutuko irakasle ohiak.   (gehiago…)  »  

Atzo, hilak 15, Euskaraldiaren laugarren edizioa hasi zen, eta hilaren 25era arte luzatuko da. “Elkar mugituz egingo dugu!“. Aurrekoetan bezala edizio hau jardueraz beteta dator. Hona hemen Altza Herrian antolatu direnak:   (gehiago…)  »  

Arg.: Asier Pagoaga

Koro González Galarraga

- Egunon. Ongietorriak, gaur, maiatzaren 3an, JANE’S WALK Donositako Elkarteak, Sarroeta Auzo Elkarteak eta Altzako Historia Mintegiak prestatu duten ibilaldi honetara.

- Ni, Koro González Galarrga nauzue. Miguel Galarraga Mancisidor zenaren biloba. Orain azalduko ditudanak, aitonak eta ingurukoek esanda adieraziko dizuet… Baita neonek ikusi eta bizi izandakoak ere.

- Aitona Miguel, Zumaiako Artadiko “Torre” baserrian jaio zen. Maiorazgoa ezenez gero, Donostiara etorri zen “babarrun” bila.

Bertako etxe nagusi batean LOREZAIN bezala lan egin zuen.

Etxe hartako sukaldari Ramonarekin ezkondu eta 1919ko Apirilaren 19an, Martuteneko Estankoa erosi zuten.   (gehiago…)  »  

Sarrueta, 1852

Toponimia, lekuak izendatzeko erabiltzen dugun izen-multzoa, gure tokiko historiaren kultura-ondarerik baliotsuenetakoa da. 1806ko dokumentu notarial batean, “D. Sebastián Gregorio eta Dª Rosalía de Garay eta Juan Antonio de Eguilor arteko judizioz kanpoko banaketa” izenekoan, Sarruetako mikrotoponimiaren benetako altxorra aurkitzen dugu.

Toponimoek paisaiaz, garatzen ziren jarduerez eta nabarmentzen ziren elementu naturalez hitz egiten digute. Ondare linguistikoaz eta euskararen eta gaztelaniaren arteko bizikidetzaz ere hitz egiten digu, baita beste substratu linguistiko esanguratsuez ere, gaskoia kasu.

1806ko dokumentuak Sarruetan kokatzen gaitu, Angelubea baserriaren inguruan, Altzako Herrian. Anguelubea ondasunen banaketa honen erdigunea da, eta bere inguruan lursail ugari daude, bakoitza bere izenarekin.   (gehiago…)  »  

“]”]

(Arg.: Egoitz Arruti)

>>Maiatzak 6 - Ekainak 12: “Mezu sekretuaren bila”. Jokua. Joku honen muina pista eta frogaz beteriko Harria parkeko plano bat da. Bilatzaileek planoko erronkak gainditu beharko dituzte mezu sekretua lortzeko eta altxorra aurkitzeko. Informazio gehiago: Casares K.E. casareskulturetxea@donostia.eus.

>>Mendia eta segurtasuna. Naturarekin arduraz jokatu. Karlos Solana (DYA Gipuzkoa)

Maiatzak 6: “Mendi-ibilaldiak prestatzeko gomendio praktikoak”. Hitzaldia. Tomasene K.E. 18:00. Elebiduna.

Maiatzak 7: “Lehen sorospenak mendi inguruetan“. Hitzaldia. Tomasene K.E. 18:00. Elebiduna.

Maiatzak 10: Ilurgita senadira irteera. Elkargunea: Herrera (Euskotren) 09:00. Elebiduna.   (gehiago…)  »  

Maiatzeko lehen asteburuan, Jane Jacobs (1916-2006) hirigile eta intelektualaren jaiotzarekin batera eta bere pentsamenduan oinarrituta, 500 ibilaldi baino gehiago antolatzen dira mundu osoan zehar. Jane ’s Walk Donostiak hamahiru urte daramatza hirian zehar ibilaldi hauek antolatzen. Honezkero bi ibilaldi egin ditugu haiekin elkarlanean, bata 2014an Altzan zehar eta bigarrena 2023an Bidebietan. Aurten ere beste bat egingo dugu, oraingo honetan Martuten auzoan barrena. Denok zaudete gonbidatuta.   (gehiago…)  »