«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Joan den maiatzaren 26an Ekialdeko Barrutiko Batzarra bildu zen eta, besteak beste, Historia eta Memoria lantaldeak aurkeztutako Altzako udaletxeari beste erabilera bat emateko erabaki-proposamena onartu zen.

Hona hemen onartutako proposamenaren testua:

Altzako udaletxearen eraikina hutsa eta erabilerarik gabe dago duela urtebete baino lehenagotik. Iaz ALTZAKO HISTORIA MINTEGIAk eraikinaren erabilera finkatze aldera parte hartze prozesu bat burutzeko ideaia plazaratu zuen. Ideia hori bertan behera geratu zen Udal gobernuaren ezezkoa medio. Irisgarritasun arazoak medio, eraikinaren erabilera oso mugatua dagoela izan zen argudioa.

Urtebete baino gehiago igaro da, eta oraindik ez dago eraikinari erabilera emateko planteamendurik Udal gobernuaren aldetik.   (gehiago…)  »  

Osteguna Auzo Elkartea

El pasado 23 de enero, en Tomasene, el doctor en Geografía Enrique de Rosa presentó, ante un público compuesto por treinta personas, la investigación llevada a cabo para su tesis doctoral que lleva por título “Conflicto, gobernanza y paisaje en la Bahía de Pasaia”. Altzako Historia Mintegia ha preparado este encuentro a propuesta de Enrique de Rosa, que cuando preparó su tesis contactó con AHM y pasados 8 años de trabajo, nos ha querido presentar el resultado de sus investigaciones.

A continuación, vamos a recoger unas breves notas de lo expuesto en la charla y las conclusiones a las que ha llegado el ponente. Después recogeremos los temas que se propusieron y debatieron desde el público; y, al final, haremos unos comentarios.   (gehiago…)  »  

Orain arteko Plan Orokorrek, eta honi lotutako dokumentuek, bat bestearen segidan Altzaren ondare historikoaren etenik gabeko degradazioa eta desagerpena ekarri dute. Ondare historikoa herrien eta auzoen identitatearen ezinbesteko osagaiak dira, Planak egin dituztenek badakite hori, “Kultura-ondarea, hiri honi nortasuna emanten dion elementua da” eta “gizarte-lotura zein gizarte-kohesioko loturak sendotzeko gaitasuna du” diote, baina Altzari buruz planeatzen dutenean haren historiaz edo nortasunaz hitz egiten duen edozein elementu zokoratu eta eraikitzeko lursailak baino ez dituzte ikusten. Ez da balio-judizioa, egitate bat egiaztatzea baizik.

Gabeziak

Ikus dezagun Plan Orokorraren aurrerapenak jasotzen duena:

  (gehiago…)  »  

Altza XXI Herri Ekimena

Donostiako Plan Orokorrari buruzko eztabaida abian da. Eta Altzaren etorkizuna jokoan egonda, beste auzo batzuen artean, datozen 15 urteetarako, Udalak prestatutako parte-hartze prozesu batean murgilduta gaude barrutiko elkarte eta herritarrak. Hasieratik kritikatu dugu partehartze prozesu hau, legez agindutakoa betetzera bideratutako planteamendu maltzurra, elitista eta guztiz zuzendua dena.  (EAEko Lurzoruari eta Hirigintzari buruzko 2/2206 Legea). Bada, egoera horretan, eta diagnostikotik abiatuta benetako parte-hartze prozesu baten beharra argi utzi dugunez, jasota utzi nahi dugu 2024-10-29ko bileran adierazitakoa eta idatzitakoa, jasota gera dadin, eta inork ez dezan manipulatu eta erabili gure parte-hartzea prozesuan, plan honen proposamenen baiezko gisa.   (gehiago…)  »  

Landarro

Ondare historikoa eta paisaia herri edo hiri baten nortasunaren zati garrantzitsu bat dira. Hain da begi bistakoa ideia hori, Donostiako Plan Orokor berriaren aurrerapenak (hemendik aurrera, Aurrerapena) jasotzen duela, “Ondarea eta paisaia” izenburupean. Hala da, behintzat, diagnostikoan eta helburuetan, baina jarduketei dagokienez, ordea, argi geratzen da partrimonioaren eta paisaiaren kontu hori ez doala Altzarekin. Beste behin gogorarazi digute gai hauetarako Altza ez dela Donostia.

Udalaren ikuspegitik, Altza osoa “lurzoru-poltsa” bat baino ez da, - Aurrerapenak Landarroko muinoa kalifikatzeko erabiltzen duen hitzez hitzeko kalifikazioa, Molinaoko parkeari itsatsita dagoen landa-eremua -, eta hortaz Altzan ezin da ondareaz eta paisaiaz hitz egin, urbanizatzeaz baino ez.   (gehiago…)  »  

Altza XXI Heri Ekimena

Donostiako Plan Orokorraren Aurrerapidearen aurkezpenaren ondoren, urriaren 8an Altzan bilera izan zen planak ekialdeko auzoentzako dituen proposamenen aurkezpenerako. Jakina den moduan, Altzan erdal elebakar  hiztunen kopurua oraindik ere handia da eta orain arte Altzan izan ohi diren beste horrelako bileretan euskaraz egindako interbentzioak erdal hiztunen protestak eragin izan dituzte, erdaratzea edo zuzenean erdaraz egiteko eskatzen dutenak. Atzoko bileran baino  euskarazko parte-hartzeak ez zuten bertan zeuden erdal hiztunen exijentziarik sortu ez zelako espresuki itzultzea eta erdaraz esatea.   (gehiago…)  »  

Altza XXI Heri Ekimena

Udalak asteartean  Planaren aurrerapidea aurkeztu eta hurrengo egunetik hasita auzoetara jo du, aste betean 3 bilera eginez, baina herritarren aurrean zabaldu gabe eta deialdi publikorik egin gabe. Bileretako lehena egun batetik bestera jarri zuten, Loiola auzoan. Proiektuak 300 orrialde baino gehiago ditu eta denborarik eman gabe udala hasi da, mezu elektroniko bakan batzuk bidalita, auzoetan aurkezpenak egiten. Hori ez da partehartze prozesu bat, hori udalak tramite bat betetzen duela esateko bilerak besterik ez dira. Horren adibide Alde Zaharra, Zentro eta Amara, Zahar eta Berriko, auzoak hartzen dituen deialdian 15 lagun egon zirela. Hau da, 60.000 donostiar baino gehiago hartzen duen eremu batetik 15 lagun.   (gehiago…)  »  

HERRIPE Auzo Elkartea

Barrutiaren eskutik, Nexgraffek proiektu grafiko bat garatu du Herrerako geralekuan (PDFn ikusteko hemen). Eman dion kolorea eta argitasuna oso atsegina da. Dirudienez, autoreak ohiko erabiltzailearen presentzia nabarmendu nahi izan du gero eta aldakorragoa den gizarte batean, eta horrek erakusten du garraio publikoa dela azkenaldian erabiltzaileen artean sortu den distantzia sozialaren adibiderik nabarmenena.

Kolore-aberastasun horrek eta Adif-Renfek Herripek bost hamarkada baino gehiagoan eskatu dituen igogailuen bidez herritarren fluxua mugitzen lagundu izanak nolabaiteko gogobetetasuna eta errekonozimendua berreskurarazten badigu ere, ez dugu ahaztu behar sentsazio horiek lausotu egiten direla horrelako geraleku bat, abandonatutako urteen ondoren, pixka bat labur geratzen denean, pasoko bidaiariei eta egoiliarrei arreta emateko hobekuntza serioagoa izan beharko zukeenean.   (gehiago…)  »  

Altzako udaletxea, altzatarren udal nortasunaren ikur nagusietako bat, jendearentzat itxi dute eta herritarrei zerbitzua emateko eginkizun guztiak kendu dizkiote.

Eraikin historiko honen erabileraren inguruan Udalak duen isiltasunak eta utzikeriak beldurra ematen digute gure kontzeju-etxeak bere ondoan dagoen Barbotegi, medikuaren etxe zaharraren patua partekatuko ote duen, hori ere udal-jabetzakoa eta duela urte askotatik iltzez eta giltzez itxita dagoena. Altzatarren ondare historikoaren narriaduran urrats bat gehiago udal gobernuaren eskutik; beste bat.   (gehiago…)  »  

Altza XXI herri ekimena

Altza XXI herri ekimenak antolaturik, Altzako Tomasene kultur etxean EHUko hirigintzako 2 irakaslek hirigintzaren egungo jarraibideei buruzko hitzaldia eman zuten atzokoan.

Jon Agirre eta Oihana Santolaria izan ziren gonbidatuak eta hirigintzaren irizpideak jorratzeaz gain, laister agertu ziren Donostiako Hiri Antolaketako Plan Orokorraren Aurrerapideari buruzko aipamenak eta dokumentu honek Altzako Auditz-Akularren 3.000 mila pasa etxebizitza eraikitzeko berreskuratzen duen egitasmoa.   (gehiago…)  »